Një nënë dhe vajzën e saj 2-vjeçar “i ka përpirë dheu”, thotë një zyrtar i policisë. BBC shkruan për nënën shqiptare, Sebjana Myzeqari, 24 vjeçe dhe vogëlushja e saj Enissa, të cilat familjarët dhe miqtë nuk i kanë parë që prej 2 prillit në Doncaster të Yorkshire në Britaninë e Madhe.
Gjithashtu ajo nuk ka përdorur as telefon dhe as karta bankare apo të jetë shfaqur të ketë lënë Britaninë e Madhe. Policia e South Yorkshire shprehet mjaft e shqetësuar për sigurinë e tyre. Neil Thomas thotë se Myzeqari ka ardhur nga Shqipëria tre vite më parë dhe ishte vendosur në Doncaster.
Enissa ishte e regjistruar në kopësht por e ëma mësohet se ka bërë një “jetë shumë të izoluar” me pak miq në qytet, thotë policia.

Thomas thotë se ajo nuk ka bërë asnjë dalje të ligjshme jashtë vendit, por nuk përjashton mundësinë që të jetë larguar në mënyra të tjera.
Edhe policia në Shqipëri i ka thënë South Yorkshire se nuk kanë gjetur gjurmë të nënës dhe vajzës në Shqipëri. “Ne jemi shumë të shqetësuar”, ka thënë ai. “Fakti është që kemi një 24-vjeçare dhe vajzën e saj 2-vjeçare që qetësisht janë zhdukur nga faqja e dheut dhe askush nuk i ka parë”.
Hera e fundit që ato janë parë është në Frenchgate, Doncaster, ku kanë qenë për vizitë në Qendrën Shëndetësore Flying Scotsman.
