Jason Derulo dhe e dashura e tij, Jena Frumes njoftuan disa ditë më parë se janë në pritje të fëmijës së tyre të parë. Modelja dhe këngëtari e ndanë këtë lajm emocionues nëpërmjet postimeve në Instagram. Këngëtari publikoi një video me të dashurën e tij teksa të dy ecnin përgjatë plazhit gjatë perëndimit të diellit. Ai më pas puthi barkun e mamasë së fëmijës së tij të ardhshëm.
“Nuk mund të isha më i ngazëllyer për këtë kapitull të ri në jetën tonë @jenafrumes,” shkroi Jason në një video.
Ndërkohë ditën e sotme ata të dy kanë zbuluar gjininë e fëmijës. Dyshja kanë organizuar një festë aspak të zakonshme për të zbuluar para gjithë botës gjininë e fëmijës që po presin. Jason ka publikuar në Instagram një video, në të cilën shihet se në shtëpinë e tyre ata kanë organizuar një festë gjigante me kërcimtarë e zbukurime të shumta. Në fund të videos ata kanë treguar se do të bëhen prindër të një djali dhe Jason duket se është gëzuar shumë për këtë fakt. Që në fillim të videos ai shprehet se dëshiron shumë që fëmija të jetë djalë dhe dëshira ju plotësua.
Kujtojmë se Jason dhe Jena u takuan me njëri-tjetrin në palestër pak para pandemisë ku vazhduan të njohin njëri tjetrin më shumë dhe tashmë janë në pritje të fëmijës së tyre të parë.