Ministrja Elisa Spiropali, nga foltorja e Kuvendit, ka lexuar disa vargje nga “Monologu i Pendesës”, shkruar nga Luan Myftiu në vitin 2001, pasi vuajti dënimin në burgun e Spaçit.
Duke iu drejtuar ish-kryeministrit Sali Berisha, ajo shprehet se këto rrreshta i kushtohen “sojit më të ligë të komunistit, që është komunisti antikomunist”.
“Myftiu lindi në Berat, në moshë të vogël komunistët i pushkatuan babain, e ëma përfundoi në spital dhe fëmijët ngelën vetëm. Më pas e arrestuan dhe e dënuan për 10 vite, iku në Spaç për 10 vite dhe doli me ardhjen e demokracisë. U vendos në Tiranë. Më 2001 shkroi poezinë e tij për pendesën, për sojin më të lig të komunistit, që është komunisti anti komunist. Po e lexoj për ju. Të besuam, të zgjodhëm, votuam për ty. Ti na rrahe, na shave, na ndave në dy. Ne u ngritëm të hiqnim nga zverku ty djall, ti na rrope, na dogje, ne dhe po na kall. Je i pashpirt, hipokrit, pabesinë ke moral, sa dhe shokët mohon. Je mashtrues, se të mburr kur të bën fukara, ta lë fajin në derë, je pacipë, maskara. Je një horr, të grabit sy ndër sy dhe pa turp të bën qorr. Për kolltuk del nga varri lugat, që të jesh po ti Zot, s’le shenjtor pa mëkat.”