Duke qenë se jemi në pushime verore, Google fuqizon përkthyesin e tij të menjëhershëm të integruar tek fotokamera me inteligjencë artificiale, që lexon gjuhën që ndodhet në një tabelë rrugore apo në ndonjë menu kur ndodheni jashtë.
Big G ka aktivizuar këtë funksion edhe për 60 gjuhë të tjera, nga arabishtja te indishtja, nga tajlandishtja tek gjuha vietnameze, me një total prej 88 gjuhësh.
Nëse je në Indi apo në Emirate, mjafton të fokusoni shkrimin që ndodhet në një tabelë dhe menjëherë teksti do të dalë në gjuhën tuaj.
Një tjetër risi e aplikacionit Google Translate është që përkthimi që deri tani ishte vetëm në anglisht, mund të bëhet në 100 gjuhë të tjera. Pra, mund të zgjidhni nëse doni të përktheni arabishten në shqip apo një gjuhë tjetër.
Përdoruesi nuk do të ketë nevojë të njohë emrin e idiomës që ka para, pasi do ta njohë aplikacioni. “Gjatë udhëtimeve jashtë, sidomos në zona ku fliten gjuë të ndryshme, mund të jetë e ndërlikuar për njerëzit të kuptojnë se çfarë gjuhe duhet të përkthejnë. Në versionin e ri të aplikacionit mund të zgjidhni “Trego gjuhën” dhe përkthyesi i Google do të kuptojë automatikisht se për çfarë gjuhe bëhet fjalë dhe do ta përkthejë”, shpjegon Google në blogun e vet.