Kryetarja e Gjykatës së Durrësit Joana Qeleshi ka dhënë dorëheqjen nga detyra që e mbante që prej vitit 2013.
Dorëheqja sipas saj është bërë për arsye personale por emri i Qeleshit nuk është i panjohur sidomos pas zgjedhjeve të 30 qershorit.
Ajo u akuzua nga opozita në kohën kur iu dha mandati kryebashkiakes aktuale të Durrësit Valbona Sako.
Gjykata e Durrësit kishte marrë një vendim për mos njohjen e mandatit të Sakos, dy ditë më pas e njëjta çështje u gjykua në të njëjtën Gjykatë ku drejtonte Qeleshi, duke i dhënë mandatin Sakos.
Nderkohe, kujtojme se ne kohen kur Ministria e Drejtesise drejtohej nga Ylli Manjani, per Qeleshin, nga ministri u kerkua hetim i thelle dhe madje edhe shkarkim të gjyqtares së Durrësit, që i ktheu pronën familjes Seçuni, aty ku kompania Omnix e Faadi Mitrit, qe u largua me barrele nga vendi yne, do ngrinte resortin.
Vete gjyqtarja atehere reagoi per mediat, duke thene se “Kam folur përmes vendimit”.
Manjani aso kohe deklaroi se vendimi është shumë i rëndë me një pasojë shumë të rëndë dhe e patolerueshme. Shkelja e ligjit cënon rëndë figurën e gjyqtarit”
Në truallin që iu njoh e drejta e pronës familja Seçuni, biznesmeni libanez, Faadi Mitri, administratori i Grupit OMNIX në Shqipëri kishte marrë leje për të zhvilluar investimin me vlerë fillestare 450 milionë dollarë.