Në relacionin e hartuar nga Instituti i Ndërtimit, rekomandohet që pallati 28 kate e lartë të prishet pasi ka probleme të shumta të strukturës kryesore të cilat rrezikojnë shembjen e tij, nisur dhe nga fakti se leja e ndërtimit është shkelur.
Ndërkohë Policia ka shpallur në kërkim pronarin e pallatit, biznesmenin Enver Shala, pasi ka kërcënuar drejtorin e Institutit të Ndërtimit, inxhinerin Agron Hysenlliu, pas hartimit të relacionit për preishjen e ndërtestës 28 katëshe.
Pallati ‘monstër’ u bë i njohur për opinionin publik 2 vite më parë, kur gjatë shtesës së kateve, konstruksionet metalike të 3 kateve të fundit u shembën duke rrezikuar jetën e punëtorëve dhe banorëve, pasi pallati ka qenë i banuar në kohën kur kanë nisur punimet e tjera.
Biznesmeni dhe pronari Enver Shala u ndalua atë vit nga Policia e Durrësit për ngjarjen, por u hetua në gjendje të lirë.