Jo 7%, por 29% për rritjen e pagave. Pedagogët-Ramës: Më 17 tetor do të jetë protesta e radhës

Jo 7%, por 29%. Këtë rritje të pagave kërkojnë pedagogët. Ata janë shprehur se nëse nuk plotësohen kërkesat e tyre, nuk do të pranojnë të bëjnë asnjë kompromis. Po ashtu pedagogët bënë të ditur se protesta e radhës do të jetë më 17 tetor, ditë kur është planifikuar që të nis edhe viti i ri akademik. Kujtojmë se kryeministri Edi Rama, u përgjigj pedagogëve nga Universiteti Bujqësor i Kamzës ku po prezantonte skemën kombëtare për të ardhmen e prodhimit vendas. Ai tha se mund të pranohej një rritje prej 7%.