Jo vetëm në veri të vendit ka probleme nga moti i keq. Probleme ka edhe në fshatrat e njësive malore të juglindjes së vendit. Reshje të shumta shiu dhe erërat e forta kanë sjellë probleme të ndryshme, kryesisht me furnizimin me energji elektrike.
Probleme ka pasur në disa fshatra të njësisë administrative Leskovik të bashkisë së Kolonjës, njësia administrative Lekas në bashkinë e Korçës dhe ajo Dardhas në Pogradec.
Ka shkëputje të energjisë elektrike në një pjesë jo të vogël të fshatrave në zonat malore, por edhe në fushën e Korçës dhe atë të Maliqit. Për shkak të erës së fortë problemet më të shumta kanë qenë në 5 fshatra të njësisë administrative Libonik të bashkisë së Maliqit, ashtu siç ka pasur ndërprerje të energjisë elektrike edhe në fshatrat e njësive administrative Moglicë dhe Gorë.
Situatë e ngjashme edhe në disa fshatra të bashkisë së Devollit, ku OSHEE-së po punon për rikthimin e energjisë elektrike në fshatrat e njësive administrative Leskovik, Lekas dhe Dardhas.
Nuk ka probleme për sa i përket përmbytjeve në fushën e Maliqit, kjo ka ardhur edhe për faktin se i gjithë sistemi kullues dhe ai i hidrovorëve ka punuar normalisht.