Milano Fashion Week ka hapur dyert me prezantimin e tre koleksioneve të reja për sezonin e ardhshëm pranverë/verë. Por krahas veshjeve vijnë dhe makinat e inspiruara nga moda.
Mes tyre është dhe Panda Trussardi, e para “luxury Panda”, e prezantuar një ditë më parë në sheshin Scala nga këngëtarja Ava Max.
E krijuar në bazë të modelit Cross me një pamje të një fuoristrade të vogël, Panda Trussardi ka meritën e të qenit e para e një bashkëpunimi mes Fiat Panda dhe një agjencie mode. Makina “Made in Italy” më prestigjioze dhe më e vlerësuar në botë vjen me këtë version të veçantë që në Itali nis shitjen që javën e ardhshme, me çmim që nis nga 16.550 euro.