Para netëve të Eurovisionit Jonida Maliqi e ka performuar në Londër këngën e saj përfaqësuese “Ktheju tokës”.
Jonida është mirëpritur nga publiku londinez gjatë interpretimit të saj në kuadër të qendrimit në Londër për festivalin evropian të këngës. “E befasuar dhe e përulur nga publiku më mbresëlënës të Londrës. Nuk mund të besoj”, ka shkruar Jonida në Instagram, ndërsa postimin e ka shoqëruar me një video nga performance.
Edicioni i sivjetmë i festivalit evropian të këngës do të mbahet në Tel Aviv të Izraelit me datat 14, 16 dhe 18 maj. Në skenën e Eurosong, Jonida do ta përfaqësojë Shqipërinë me këngën “Ktheju tokës”.