Një transkript i momenteve të fundit të Jamal Khashoggi të kapura nga një përgjues i fshehur brenda konsullatës së Arabisë Saudite në Stamboll është publikuar për herë të parë.
Përgjimet tregojnë se si një skuadër saudite u dërgua për “t’u kujdesur” për gazetarin disident, ku bisedonin se çfarë do të bëhej me trupin e tij pas vdekjes, duke iu referuar gazetarit si “kafsha që duhet të sakrifikohet”.
Më pas ata janë regjistruar teksa thonë Khashoggi të shkruajë një tekst për djalin e tij për të mbuluar gjurmët e tyre, para se ta drogonin dhe të vendosnin një çantë në kokën e tiuj.
“Vuaj nga astma. Mos e bëni, ju do më mbysni”, janë fjalët e fundit të gazetarit Khashoggi para se të dëgjohen britmat e fundit të tij.
Ndërsa janë zbuluar copëza nga përgjimi, 11 muaj pas vdekjes së tij, publikimi i transkiptit nga e përditshmja turke, Daily Sabah, tregon pamjen e plotë se si ndodhi vrasja.
Audio është kapur nga Organizata Kombëtare e Inteligjencës e Turqisë me mikrofonat e fshehura brenda konsullatës saudite në Stamboll, më 2 tetor.
Khashoggi, një gazetar saudit kritik për vendin arab kishte shkuar në konsullatë atë ditë për të firmosur dokumentet e martesës së tij për tu martuar me partneren, Hatice Cengiz.Autoritetet ndërkombëtare kanë kritikuar princin e Saudisë, Mohammed bin Salman se ka dhënë urdhrin për vrasjen e gazetarit.
Në transkript është biseda mes Maher Abdulaziz Mutreb, zv.komandantit të skuadrës, dhe dr, Salah Muhammed Al- Tubaigy, i cili ëshë mjek ligjor dhe përgjegjës për zhdukjen e trupit të Khashoggi.
TANSKRIPTI I PLOTE
Mutreb: Lër një mesazh për djalin tënd
Khashoggi: Çfarë duhet ti them djalit tim?
Mutreb: Shkruaji një mesazh, provoje, pastaj na e trego
Khashoggi: Çfarë duhet të them, “shihemi së shpejti”?
Një i paidentifikuar: Shkurt
Mutreb: Do shkruash diçka të tipit “Jam në Stamboll. Mos u shqetëso nëse nuk lidhesh dot me mua”.
Khashoggi: Nuk duhet të them që jam marrë peng.
Një i paidentifikuar: Hiqe xhaketën
Khashoggi: Si mund të ndodhë një gjë e tillë në konsullatë? Nuk shkruaj asgjë
Një i paidentifikuar: Shkurt.
Khashoggi: Nuk shkruaj asgjë
Mutreb: Shkruaj z. Jamal. Shpejt. Na ndihmo që ne të të ndihmojmë, sepse në fund ne do të të çojmë përsëri në Arabinë Saudite dhe nëse nuk na ndihmon ju e dini se çfarë do të ndodhë.
Khashoggi: Ka një peshqir këtu. Më keni droguar?
Al-Tubaigy: Do të të vëmë në gjumë.
Khashoggi më pas drogohet, duke i thënë atyre “mos më mbyllni gojën”, teksa i vendosin në kokë një qese plastike. “Vuaj nga astma. Mos e bëni, ju do më mbysni”, të cilat ishin fjalët e fundit.
Dëgjohen zhurmat e mbytjet dhe përleshjes, me copëza bisede mes skuadrës që pyet nëse po lëviz akoma. Në një moment dikush thotë “vazhdo mbaje”.
Në orën 1.39 dëgjohet tingulli i një sharre autopsie dhe skuadra nis copëtimin e trupit të Khashoggit. Më pas trupi i tij i copëtuar u paketua në një valixhe dhe u largua nga ambasada. Mbetjet e tij nuk janë gjetur ende.