Në fakt surprizën ia zbuloi aktori Rezart Veleshnja një ditë para transmetimit të “Portokallisë” në ekranin e Top Channel, por të gjithë nostalgjikët e personazhit Xhimi, kanë mundur të ndjekin Ermal Mamaqin në spektaklin e humorit të dielën në ekran.
Ermali me tatuazhe, vetulla të bashkuara u rikthye në rolin “e të fortit” që e kemi parë vite më parë në grupin “The SHBLSH”. Kujtojmë se ishte pikërisht ky spektakël ku ai nisi karrierën e tij. Ndoshta Ermalin e kishte marrë malli, por arsyeja e kthimit në “Portokalli” duket se ka qenë filmi i tij.
Si një marketing i fshehur në fund të skeçit, Ermali përmend filmin “2 gisht mjaltë”, ndërsa dikush i kërkon në telefon dy bileta.
Kujtojmë se projekti do të prezantohet në kinema më 28 mars, ndërsa pjesë e tij është dhe këngëtarja shqiptare, Elvana Gjata.