Juristja Brisida Gjikondi, duke komentuar situatën e tensionuar në seancën e sotme plenare, u shpreh se ish-kryeministri Sali Berisha po përdor deputetët si leva.
Në “Special Report”, Gjikondi theksoi se Berisha kërkon që çështjen e vetë të pasurisë ta kthejë në çështje politike.
“Unë mendoj që të gjithë shqiptarët majtas dhe djathtas t’i shikojnë mirë këto skena për të kuptuar se edhe ata që nuk e kanë njohur mirë Berishën më përpara, të kuptojnë se çfarë gjeneron një si Berisha, të mendosh që deputet Nallbati deri para një viti ka qenë kundër Berishës, njeri i flaktë kundër Berishës dhe pa papritur në korrik të 2022 u bashkua me Berishën, bashkë me të dhe Bardhi me kompani. Nuk ka hipokrizi më të madhe se sa kjo klasë politike, e cila nuk pasqyron moralitetin e shqiptarëve. Të gjithë ata deputetë aty, janë zgjatues, leva të kapur nga Berisha, i cili i përdor si kamikazë në interes të problemeve të tij familjare, ato që ka dhe ato që pritet të ketë. Ai do që gjithçka ta kthejë si politike, harroi non gratën e Amerikës, harroi non gratën e Britanisë së Madhe. Tani që ka probleme me drejtësinë shqiptare për arsye pasurie dhe jo për arsye politike, ka gjetur kamikazët e tij, të cilët po i përdorë”, tha ajo.