Gazetari Artur Zheji dhe kryeministri Edi Rama dikur kanë qenë miq të mirë, por rrugët e tyre u ndanë dhe Zheji tashmë njihet si një nga kritikët e kryeministrit.
Zheji ka zbuluar së fundi emisionin “Dola te Ola” se pse përfundoi miqësia e tij me Ramën. Ai tha se pavrësisht miqësisë së mirë, erdhi një moment që secili duhet të shikonte punën e vet.
Zheji u shpreh se Rama ka ndryshuar shumë nga koha kur ata ishin miq, por shtoi se Ramën nuk e ka armik, edhe pse tha se kryeministri duhet të ishte sjellë pak më bujar me të.
“Ka vuajtur shumë pasi Parisi është i pamëshirshëm për artistët. Rama ka kaluar momente shumë më të këqija se sa ai vetë thotë, por të vuash në Paris është dinjitoze për një artist. Ka thënë shumë gjëra të rënda për mua. Tha se Zheji ka mbiemër të madh po s’ka mundur ta mbajë mbi supe. Vetëm për gjenialitetin që ai ka si artist shqiptar, Rama duhet të ishte sjellë pak më bujar me mua”, u shpreh Zheji.