Meriton Mjekiqi doli nga shtëpia si finalist i parë i eliminuar. Ky zhvillim ka sjellë shumë zhgënjim dhe habi në mesin e publikut të gjerë, duke qenë se Meritoni kishte fituar një ndjekje të madhe dhe pritshmëri të lartë për performancën e tij në shtëpi.
Rrjetet sociale janë mbushur me spekulime dhe teori në lidhje me një mundësi përplasjeje mes Meritonit dhe ekipit të produksionit, një situatë e cila mund të ketë ndikuar në largimin e tij të befasishëm.
Në veçanti, largimi i menjëhershëm i Meritonit dhe Ilnisës nga studioja akoma pa përfunduar spektakli, si dhe mungesa e tyre në festën pas-finale, kanë ngjallur më shumë dyshimet për një ambient të tensionuar. Meritoni ka qenë tepër rezervuar në lidhje me përvojën e tij në shtëpi. Ai nuk ka bërë asnjë prononcim publik dhe as nuk ka përditësuar llogaritë e tij sociale.