Një situatë e kaotike dhe e paqartë është në këto momentet në pikën kufitare Kakavijë.
Qytetarët dhe pala shqiptarë janë ende të paqartë nga pala greke nëse është pezulluar puna për shkak të plotësimit të kuotos ditore që është prej 750 personash.
Drejtori i Drejtorisë Rajonale të Kufirit në Gjirokastër, Arben Joco, teksa është përpjekur të shpjegojë duke thënë se puna vijon dhe ende nuk ka një informacion zyrtar nga pala greke, nuk është lënë të flasë nga qytetarët të cilët i janë drejtuar tejet të revoltuar, duke i shprehur rraskapitjen e këtyre ditëve, në pritje për të kaluar.
“Katastrofë. Ku është kryeministri. Ku është ministri i jashtëm. Kemi ardh të gjithë shëndoshë këtu dhe rrezikon të na kapë Covidi. Kemi 3 ditë që presim me fëmijë”, tha një qytetar i revoltuar që e ndërpreu drejtorin e kufirit teksa fliste.
“Ti ke të drejtë. Ne jemi të kushtëzuar nga pala greke. Nga vendimet që ka marrë pala greke. Policia shqiptare vijon punën normalisht. Dëgjo tani… (e ndërpret qytetari) jemi në limitet e numrit, por ende skanë lajmëruar për mbyllje.. (ndërpritet nga qytetarët të cilët janë të lodhur nga pritje)”, tha Joco.
