Robert Aliaj ka dhënë qëndrimin e tij për trendin e fundit e meshkujve të famshëm, të cilën janë shfaqur në publik të veshur me funde ose fustane.
Në një lidhje direkte me emisionin “Wake Up”, ai tha se nuk sheh asnjë problem në këtë mënyrë të veshuri, ndërsa shtoi se ka 12 vite që vesh fustan dhe madje ka dalë edhe në rrugë me këtë veshje.
“Kam të paktën 12 vite që vesh funde. Kam dalë në rrugë. Kam veshur edhe fustan që e kam pasur të aksesuar të përditshmërisë sime. Dhe u bë e zakonshme që të më shikojë ashtu. Paragjykimet nuk më bëjnë përshtypje, madje më motivojnë sepse më shkëpusin nga e përgjithshmja dhe nga llumi në fund të fundit. Nuk kam respekt për njerëzit pa stil. A ka gjë më femërore se fustanella, me pala me të gjitha? Kështu janë fundet e grave. Kurse fundet që përdoren nga meshkujt sot kanë gjithsesi një prerje me të ngushtë, më të thjesht, më minimale. Nuk ka asgjë të keqe”, ka thënë Aliaj.