Ed Sheeran ka deklaruar se gjatë kohës që ishte fëmijë ai ka menduar se ishte homoseksual pasi kishte “një anë të madhe femërore”.
Kantautori, 30 vjeçar tha se duke parë interesat e tij, të cilat ai beson se janë “femërore”, e bënë atë të vinte në pikëpyetje seksualitetin gjatë fazës së rritjes.
“Kur isha fëmijë, për pak mendova se isha homoseksual. Kam një anë të madhe femërore. Unë e dua teatrin muzikor, e dua muzikën pop, e dua Britney Spears. Ana ime mashkullore ndoshta ndalon në pirjen e birrës dhe shikimin e futbollit. Unë nuk jam një person jashtëzakonisht mashkullor. Unë nuk jam një djalë i makinave. Më pëlqen një makinë e bukur, por nuk jam tip makine”, tha këngëtari.
Gjërat që Sheeran i ka konsideruar si mashkullore dhe femërore bazohen qartësisht në stereotipe të vjetra. Ai thotë se shumë nga këto mendime ndryshuan kur takoi gruan e tij, e cila “punon një punë të nivelit të lartë ku është në krye të fushës së saj”.
“Sapo filluam të takoheshim, jeta ime u zhvendos në atë drejtim” tha Sheeran. “Ajo luan në një ekip femrash hokej, ne shoqërohemi me to gjatë gjithë kohës”.
Sheeran është i martuar me Cherry Seaborn dhe çifti ka së bashku një vajzë, Lyra, e cila është 15 muajshe.
Këngëtari britanik publikoi albumin e tij të katërt javën e kaluar.