Një aksident automobilistik është regjistruar këtë të martë në aksin Pogradec-Lin, në afërsi të fshatit Piskupat.
Në aksident janë përfshirë një kamionçinë dhe një motomjet. Për pasojë, ka mbetur e plagosur drejtuesja e këtij të fundit, një shtetase italiane.
Sakaq, policia ka mbërritur në vendngjarje dhe ka nisur punën për zbardhjen e rrethanave të aksidentit, ndërsa e plagosura është transportuar drejt spitalit jashtë rrezikut për jetën.