Në nisje të fjalimit në Forumin Ekonomik Botëror në Davos të Zvicrës, kancelari gjerman, Olaf Scholz, nderoi të vdekurit pas rrëzimit të helikopterit në Ukrainë, ku humbi jetën edhe ministri ukrainas i Brendshëm, Denys Monastyrsky.
Ai thotë se Rusia ka nisur një “luftë imperialiste këtu në pragun tonë në Evropë” dhe ukrainasit po vuajnë “pasojat e tmerrshme”.
Scholz vazhdoi duke thënë se Rusia “tashmë ka dështuar plotësisht në arritjen e qëllimeve të saja imperialiste”.
“Ukraina po mbrohet me sukses të madh dhe guxim mbresëlënës” thotë ai dhe shtoi se “një aleancë e gjerë ndërkombëtare e udhëhequr nga G7 po i ofron vendit mbështetje financiare, ekonomike, humanitare dhe ushtarake”.