Kandidati i PS-së për deputet në Qarkun e Dibrës Dionis Imeraj dhe kryetari i bashkisë Mirditë Ndrec Deda nuk e kanë fshehur gëzimin e tyre për asfaltimin e rrugës Perlat (Mirditë)-Lurë (Dibër).
Ky premtim iu dha banorëve të Lurës verën e vitit të kaluar nga ministrja Denaj dhe ish ministri i Brendshëm Lleshaj.
Në postimin e tij Imeraj shkruan:
Mjaft i lumtur të ndaj me ju një lajm të shumëpritur e të jashtëzakonshëm për Lurën. Mirditën e më gjerë!
Nënshkrimi i marrëveshjes së bashkëpunimit ndërmjet Bashkisë Dibër dhe Fondit Shqiptar të Zhvillimit, i hap rrugë nisjes së realizimit të investimit “Rikonstruksioni i segmentit rrugor Perlat-Kurbnesh-Krej Lurë-Fushë Lurë”.
Një investim mjaft jetik për banorët e këtyre zonave, por sidomos strategjik për nxitjen e turizmit dhe ekonomisë!
Mirënjohja dhe falenderimi është padyshim për atë që premton e mban fjalën e dhënë, kryeministrin Edi Rama.