Presidenti Ilir Meta u pyet nga gazetarët në tagrin e një “socialisti të vjetër” se çfarë mendon në lidhje me kandidimin e Luljeta Bozos nën siglën e selisë rozë. Meta tha se se ajo që është e rëndësishme është që kandidatët të jenë me integritet për të garantuar një përfaqësim të denjë për zgjedhësit në Kuvendin e Shqipërisë.
Meta iu shmang pyetjes duke theksuar se:
Këto nuk janë në interesin tim, nuk dua ti komentoj, por në interesin tim është kandidimi i figurave me integritet të lartë dhe të rëndësishme. Të japin një mesazh të qartë edhe me deputetët që do zgjidhen.
Dua të theksoj rëndësinë që qytetarët të shikojnë me vëmendje listat e çdo force politike që ata preferojnë dhe të votojnë në ato lista për kandidatin apo kandidaten që ata besojnë se kanë integritetin më të lartë për të përfaqësuar interesat e tyre në Kuvendin e ardhshëm. Të japin mesazhin e qartë të gjitha forcave politike se cilët janë deputetët e vërtetë që duan ti përfaqësojnë.