Komisioneri Shtetëror i Zgjedhjeve në Shqipëri, Ilirjan Celibashi gjatë konferencës me gazetarët këtë të mërkurë, është ndalur tek ndryshimet e Kodin Zgjedhor. Ai tha se është në dorë të partive politike, duke shtuar se KQZ-ja ka hartuar një listë me pikat që mendojnë se kanë nevojë për ndryshime.
”Faktori politik dhe institucional kanë pranuar nevojë për ndryshme në Kodin Zgjedhor, të paktën në disa aspekte. Do të ishte mirë që partitë politike të angazhohen për realizimin e ndryshimeve sa më shpejt. Ne kemi bërë publike listën e çështjeve që mendojmë se duhet të adresojmë në kuadër të zgjedhores, ngelet në vlerësimin e kuvendit për adresimin ose jo të atyre çështjeve, që për ne konsiderohen problematike ose të nevojshme për t’u rikonsideruar”, tha Celibashi.
Lexo edhe :
Related Posts
Sa i përket votës së emigrantëve dhe se nëse mund të aplikohet me kodin aktual, Celibashi tha se kjo nuk mund të ndodhë. ”I qëndroj të njëjtit arsyetim. Nëse Kuvendi nuk plotëson boshllëkun ligjor sipas Kushtetuese, nuk mund të zhvillohet votimi nga jashtë. Nuk është përgjegjësi e KQZ me këtë kuadër rregullator ligjor e Kushtetues, për të nxjerrë akte nënligjore që mund të mundësojnë votimin nga jashtë”, sqaroi ai.