Mjeku Pëllumb Pipero ka treguar mbrëmjen e sotme shifrat e reja të personave të konfirmuar me koronavirus.
Në një lidhje direkte me emisionin “Zonë e Lirë”, Pipero ka thënë se janë 190 persona të konfirmuar me koronavirus, nga 186 që u raportuan paradite nga Ministria e Shëndetësisë.
Ai tha se karantinimi na jep kohë dhe ul kurbën. Sipas tij vaksina mund të dalë pas gjashtë mujash.
“Karantinimi na jep kohë. I jep kohë shkencës që të punojë dhe të ulë kurbën. Epidemiologu që kam kontaktuar më tha se për gjashtë muaj mund të nxjerrë vaksinën. Se di sa e saktë është, por maksimumi do të duhet një vit e gjysmë. Mendoj se vjeshta dhe fundi i këtij viti do na gjejë me një vaksinë të sigurtë për popullatën,” tha Pipero.