Si bloggere që është, Armina Mevlani është mjaft aktive në rrjete sociale. Ajo publikon çdo ditë detaje nga jeta e saj, por këto kohë nuk e kemi parë të shfaqet shumë me partnerin, Shkëlzen Berisha. Kjo gjë ju ka rënë në sy ndjekësve të Arminës, që janë interesuar se si po shkon marrëdhënia e saj me Shkëlzenin.
Sot ajo ka zhvilluar një intervistë virtuale dhe dikush e ka pyetur nëse kalon akoma shumë kohë me Shkëlzenin si më parë.
“Sa kohë kalon me Shkëlzenin se duket që jeni të distancuar diçka?”.
Përgjigja e Arminës nuk ka munguar dhe ajo ka treguar se si qëndron e vërteta.
“Jo aspak. Kaloj shumicën e kohës me të, thjesht nuk preferoj të ndaj gjërat private shumë”, është përgjigjur Mevlani.
Ndërsa një tjetër e ka pyetur se cilat janë tiparet që vlerëson më shumë tek partneri i saj.
“Më pëlqen fakti që asnjëherë nuk mërzitemi së bashku. Kemi gjithmonë biseda për të bërë, ai do familjen, kafshët, natyrën dhe më pëlqen që është aq i zgjuar, i kulturuar dhe i dashur”, ka treguar Armina.
