Kryeministri Edi Rama ka reaguar për zgjedhjet në Këshillin Bashkiak të Himarës, ku mes tensionesh Blerina Bala u komandua për marrjen e drejtimit të Himarës. Sa i takon tensioneve nga mbështetësit e Fredi Belerit, kreu i qeverisë e quan një përpjekje të dështuar për të penguar votimin sipas ligjit.
Postimi i plotë
Zgjedhja e sotme nga Këshilli Bashkiak të Himarës, me 15 vota pro dhe vetëm 4 kundër, e nënkryetares së bashkisë, Blerina Bala, si kryetare në detyrë është një zhvillim pozitiv për vazhdimin e punës së qeverisë vendore.
Përpjekja e dështuar e një grushti individësh të nxitur për ta penguar këtë zhvillim të bazuar në detyrimin përkatës ligjor të Këshillit Bashkiak, tregoi qartë faktin e thjeshtë se shumica e madhe e himariotëve nuk i përkasin llogores së konfliktit, përçarjes dhe amplifikimit absurd të një sherri primitiv, i cili ushqehet për interesa dhe hesape që s’kanë asnjë lidhje me interesat e Himarës.