Një organizatë kriminale e njohur me emrin “Roll Royce” është shkatërruar nga autoritetet në Peru. Gjatë aksionit të policisë janë sekuestruar 114 pako me kokainë, me vlerë mbi 10 milionë e 400 mijë dollarë.
Drejtuesi i organizatës, i identifikuar si Nicola Berishaj, alias “Baba”, është një shtetas malazez, i cili dyshohet se vepronte si “emisar” i trafikantëve shqiptarë të drogës. Sipas agjentëve të antidrogës, organizata kriminale ishte gati të eksportonte drogën përmes portit Chalaco drejt Evropës.
Nga hetimi u zbulua gjithashtu se Nicola Berishaj, alias “Baba”, hiqej si punonjës i një kishe ungjillore për të mos ngjallur dyshime.
Sipas mediave vendase, operacioni erdhi pas disa muajsh hetime që i lejoi policisë të lokalizonte një shtëpi në San Martín de Porres, ku u gjetën pakot e drogës të vendosura në një furgon të vogël.