Finalizohet operacioni policor i koduar “Tranzit 21”, në kuadër të të cilit janë vënë në pranga 3 persona për transport të paligjshëm emigrantësh ilegalë.
Në flagrancë u arrestuan: R. I., 32 vjeç, Gramsh, D. G., 31 vjeç dhe P. L., 35 vjeç, të dy banues në Fier.
Këta persona janë kapur nga shërbimet e Policisë në autostradën Tiranë-Elbasan, duke transportuar me një automjet, 21 emigrantë, të cilëve, kundrejt shpërblimit monetar, iu kishin premtuar transportimin nga kufiri grek në drejtim të veriut të Shqipërisë, me qëllim kalimin e tyre në pikat kufitare, me destinacion final vendet e BE-së.
Në vijim të veprimeve u proceduan penalisht 21 emigrantët e paligjshëm, për veprën penale “Kalimi i paligjshëm i kufirit shtetëror”.