Policia italiane ka arrestuar dy persona, një 56-vjeçar italian dhe një 20-vjeçar shqiptar, me akuzën e trafikut të lëndëve narkotike.
Agjentët përgjuan italianin pas raportimeve të banorëve të zonës, të cilët kishin treguar se kishin vënë re lëvizje të dyshimta brenda një apartamenti.
Kur italiani mbërriti në Guelfa takoi 20-vjeçarin në një parking. Ky i fundit u fut në makinë dhe u largua së bashku me italianin. Por pak minuta më vonë, në Via Galliera, patrullat ndaluan makinën për kontroll, duke gjetur rreth 58 kg hashash.
Kontrolli i mëpasshëm i banesës së 56-vjeçarit çoi në zbulimin e 3.5 kg marijuanë dhe 3 kg hashash. Gjithashtu 56-vjeçarit iu sekuestruan 150 gramë kokainë dhe rreth 1200 euro cash. Vlera e parashikuar me pakicë e drogës është rreth 700,000 euro.