Një 56-vjeçar është arrestuar në pikën kufitare të Kapshticës për trafik drogë. Policia ka arrestuar Gjovalin Zefin banues në Shkodër, pasi gjatë kontrollit në makinën e tij, i janë gjetur të fshehura, në bagazhin e makinës 7 pako me peshë 2 kilogram lëndë e dyshuar narkotike kanabis.
Shtetasi Gjovalin Zefi, ka tentuar të korruptojë punonjësit e policisë duke iu ofruar 600 euro, me qëllim shmangien e kontrollit.
Veprimet e mëtejshme proçedurale dhe hetimore, u kryen nga specialistët për Hetimin e Narkotikëve dhe Trafiqeve të Paligjshme në DVP Korçë, të cilët bënë arrestimin në flagrancë të këtij shtetasi për veprat penale “Trafikimi i narkotikëve”, mbetur në tentativë dhe “Korrupsioni aktiv i personave që ushtrojnë funksione publike”.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.