Një velier me flamur holandez nisur nga Saranda me dy persona në bord ka pësuar avari në perëndim të gadishullit të Karaburunit në afërsi të zonës së Bristanit duke dhënë sinjalin SOS.
Me marrjen e sinjalit ka shkuar Roja Bregdetare dhe Policia Kufitare. Në orën 05:00 veliera ‘AIOLOS’ me anë të rimorkimit nga Roja Bregdetare mbërriti në portin e Sazanit për riparimin e defektit për të vazhduar destinacionin e radhës, ndërsa dy anëtarët në bord janë në gjendje të mirë shëndetësore.