Ish zv. kryeministri Erion Braçe i është përgjigjur në Kuvend kryedemokratit Basha pas akuzave të këtij të fundit për pozicionin që ai ka pasur dhe për procesin e vetingut në politikë.
Sipas Braçes ka vetëm një veting dhe është ai penal që e bën prokuroria, duke folur për vrasjen në bulevard të katër njerëzve në protestën e 21 janarit.
“Ky personalizim prej tre orësh që vret parlamentarizmin dhe zhbën rëndësinë e fjalës së çdo deputeti këtu në sallë nuk i duhet kërkujt, e mbi të gjitha shqiptarëve. Së dyti, në përgjigje të asaj që tha z. Basha do doja të thoja. Unë, u bënë nja 30 vjet punë dhe jam krenare për çdo ditë të punës sime, nuk i kam rënë kujt më qafë e si kam kërkuar kujt borxh. Kam qenë dhe zv. kryeministër dhe e kam bërë atë punë në shërbi të qytetarëve dhe në përmbushje të interesit publik, qoftë me titull qoftë dhe si dezhurn. Po me zor njeri në detyrë për të vrarë njerëz nuk më ka mbajtur, për të përdorur për të vrarë njerëz në mes të bulevardit në mes të ditës, për nevojat e familjes dhe pushtetit nuk ka ndodhur. Thënë këtë për konseguencë qëndrimesh tha, nuk arrij ta kuptoj cdo me thënë veting në politikë. Ka vetëm një veting dhe ai është penal për të gjithë, veçanërisht ata që vrasin që e bën patjetër prokuroria, po jo për të larguar nga politika po për të çuar në burg si shpagim për gjakun e pafajshëm të atyre njerëzve. Më fal për shprehjen po z. Basha ke bythë për këtë veting, për këtë ke? Se dëgjuam sot tre orë demagogji”, tha Braçe.
Ai zbuloi se prej 16 vitesh ka jetuar në një lagje me Bashën dhe tha se ai nuk i di sa janë çmimet pasi nuk “se pashë kurrë të bëjë pazar”.