Deputeti i Partisë Demokratike, njëherësh anëtar i Komisionit të Rithemelimit, Belind Këlliçi ka bërë sot një deklaratë për mediat ku komentoi akuzat e bëra nga kryeministri Edi Rama për SPAK.
Teksa kryeministri i bëri apel Prokurorisë së Posaçme sot të hetojë Sali Berishën, Ilir Metën dhe zyrtarët e lartë, Këlliçi tha se kohës së Edi Ramës i ka ardhur fundi dhe se sot sulmoi SPAK-un për hallet e tij.
“Kohës së Edi Ramës i ka ardhur tashmë fundi. Ai kryeministër që kyç gojën, kur trafikantët përmendin një ministër të tij, ndërkohë që sulmon SPAK, do të thotë se ai nuk ka hallin e drejtësisë, por karriges së tij. I vetmi turp i SPAK-ut do të ishte nëse i nënshtrohet dhunës së kryeministrit”, deklaroi Këlliçi.