Olson Çutaj, vëllai i Vilson Çutajt që u gjet i vrarë me plumb në ballë, vijon të këmbëngulë se sherri mes tre kushërinjve, dy prej të cilëve janë tashmë të vdekur, u bë për shkak të një vajze dhe jo për shkak të kanabisit.
Olson Çutaj ka rrëfyer përpara grupit hetimor takimin e fundit me të vëllanë Vilsonin dhe të ndjerin tjetër, Klement Pepaj. Ai është shprehur se ndodhej nën shoqërinë e vëllain Vilsonit dhe kushëririn e tyre Klement Pepaj, të cilit shkurt i thërisnin “Keli”.
Bashkë me ta, sipas Çutajt, ka qënë dhe kushëriri i Klementit, Danjel Pepaj.
”Po diskutonim për punën e një ngatërrese për punën e një femre, të tre ranë dakord për të shkuar së bashku në fshatin Vridh dhe të diskutojnë e sqarohen duke pirë dhe një kafe. Hipën të tre në makinën time, një Mercedes-Benz dhe shkuam. Kur mbërritëm në hyrje të fshatit, Vilsoni së bashku me Danjelin dhe Klementin, kanë lëvizur në këmbë, ndërsa më thanë që të qëndroja tek një lokal derisa ata të ktheheshin. Pas 30 minuta, e mora Vilsonin në telefon, i cili pasi u përgjigj, më tha se nuk do të vonohej shumë dhe ta prisja aty tek lokali. Por më vonë, e telefonova sërish dhe Vilsoni nuk m’u përgjigj. Pastaj telefonova Klement Pepajn, por edhe ky i fundit nuk u përgjigj, megjithëse zilja e telefonit vijonte të binte. Qëndrova në Vrith deri në mesnatë por pa mundur të konstatoj apo të marr ndonjë sinjal prej vëllait dhe kushëririt. Pastaj iu drejtova policisë së Shkodrës, ku shfaqa merakun e vrasjes dhe se Vilsonit mund t’i kishte ndodhur ndonjë gjë,”- tregon Olsoni.
Gjithashtu në pyetje është marrë dhe një tjetër person, me inicialet S.M.. Ai ka treguar se është ndodhur në datën 3 tetor 2020 në lokalin e Sylo Bercaj, dhe vetëm 15 metra larg ka takuar Danjel Pepajn.