Shumë këngëtarë me famë botërore si Ed Sheeran, Emeli Sandé, Camila Cabello, Gregory Porter dhe Snow Patrol kanë pranuar të këndojnë për koncertin i cili do të zhvillohet për të ndihmuar Ukrainën. Pritet që këtij koncerti t’i bashkohene dhe artistë të tjerë.
Data e zhvillimit të tij është caktuar më 29 mars dhe do të zgjasë dy orë, në mënyrë që të kontribuojë për mbledhjen e fondeve që do të dërgohen në Ukrainë.
Ky organizim vjen si një bashkëpunim me Komitetin e Emergjencave të Fatkeqësive. Ajo do të zhvillohet në Resorts World Arena në Birmingham dhe biletat do të dalin në shitje nesër.
Ndërkohë, në një prononcim të sajin, këngëtarja e njohur, Camila Cabello u shpreh: “Zemra ime po thyhet për popullin e Ukrainës. Ndërsa refugjatët nga Ukraina i bashkohen miliona njerëzve të tjerë të zhvendosur anembanë globit, ne të gjithë kemi një përgjegjësi. Një nga nevojat më të mëdha është të marrim fonde për organizatat që mund t’u shërbejnë këtyre komunitetet drejtpërdrejt, kështu që ne po përqendrojmë përpjekjet tona për ta bërë atë sa më shpejt që të mundemi.”
