Këngëtarja e njohur, Mariza Ikonomi ka qenë e ftuara e radhës në “Glamour Zone” në TV Ora, ku foli më gjatë për jetën e saj private dhe profesionale.
E pyetur nga moderatorja se a ka pasur ndonjë kërkesë të çuditshme gjatë periudhës së koronavirusit, ajo ka treguar rastin kur një djalë më biçikletë e ftoi për kafe, ndërkohë që lokalet janë të mbyllura.
“Po ditët e para kur ndodhi ditët e para ku ishte vënë shtëtrrethimit, që nuk duhet të dilnim nga shtëpia. Unë po shkoja të bëja pazarin dhe aty ishte një djalë me biçikletë që çuditërisht më kërkoi nëse mund të pinim një kafe. Nuk e njihja dhe më frikësoi sepse po më vinte afër e nuk donte t’ja dinte fare për situatën. Në një farë mënyre ishte edhe për të qeshur, po nga ana tjetër kisha edhe frikë. I thashë mos u afro. Me thënë të drejtën nuk e prisja, në ato ditët e para, ku çdo gjë ishte kaos dhe të gjithë ishin të frikësuar. Po shyqyr Zotit e kuptoi që duhet të largohej dhe u largua,” tha ajo.