Kolla është një instrument i dobishëm për pastrimin e mushkërive nga substancat irrituese dhe sekrecionet e tepërta.
Ajo mund të largojë bakteret dhe të parandalojë infeksionet.
Megjithatë, kolla mund të bëhet shumë e ashpër dhe munduese për rrugët e frymëmarrjes.
Kolla gjatë natës mund të frenohet përveç medikamenteve edhe ndryshimeve në stilin e jetesës dhe disa kurave natyrale.
Sipas të dhënave, kolla mund të jetë edhe alergjike, e nxitur nga pluhuri e substanca të tjera të cilat shkaktojnë edhe tështima.
Për këtë arsye, rekomandohet që dhoma e gjumit të jetë sa më e pastër nga pluhuri.
Dhoma e gjumit duhet pastruar mirë dhe çarçafët duhen ndërruar dhe larë me ujë të nxehtë të paktën një herë në javë.
Ekspertët rekomandojnë edhe dushin e ngrohtë të trupit çdo mbrëmje për të larguar çdo mbetje poleni.
Urthi
Çrregullimet tretëse si urthi mund të shkaktojnë irritimin e fytit dhe kollë që bëhet më e ashpër gjatë natës.
Shmangni ushqime që nxisin këtë çrregullim dhe mos hani ushqim të paktën 4 orë përpara fjetjes.
Çaj me mjaltë
Çaji i ngrohtë me mjaltë zbut fytin, eliminon acarimin e tij dhe shpërbën sekrecionet.
Çaji duhet pirë disa herë në ditë.
Mund të përdorni çaj mali, kamomil ose dafinë.
Gargarë Me Ujë Me Kripë
Uji me kripë shkrin sekrecionet e mbledhura në fyt.
Sipas të dhënave rekomandohet të bëni gargarë me ujë me kripë çdo natë përpara gjumit, në rast se keni kollë.
Duhani
Duhanpirja është shkaktare e kollës afatgjatë, ndaj lënia e duhanit zbut ashpërsinë e kollës.