Na ndodh të gjithëve: parkojmë makinën në një rrugë të zakonshme apo para ndonjë garazhi e vendi pa përshkrim dhe shkojmë në punën tonë. E kur kthehemi, dy apo tre orë më vonë e gjejmë veten në kërkim të rrugës ku kishim lënë makinën pasi nuk e mbajmë mend.
Por mos lejoni të humbi sërish. Smartphone ju ndihmon të gjeni vendin e parkimit, ashtu si çdo vendndodhje tjetër. Gjithçka që ju duhet është një aplikacion hartash që ndoshta e përdorni për navigim.
Kështu që, hapni Google Maps në smartphone tuaj, qoftë iOS ap Androis dhe bëhuni gati të gjeni vendndodhjen.
Në iPhone
Të ruash vendndodhjen e parkimit është shumë e thjeshtë në Google Maps në iOS, edhe pse disa opsione janë më të kufizuara krahasuar me Android.
Si fillim:
Shtypni pikën blu në hartë, që prezanton vendndodhjen tuaj aktuale.
Zgjidh nga menuja “Set as Parking Location”. Nëse këtë dëshiron tia nisësh dikujt shtyp “Share” . Në këtë mënyrë dhe nëse e harroni se ku parkuat, kudo të jeni mjafton të shtypni “Direction” në “Saved Parking” dhe harta do të të tregojë hap pas hapi se ku duhet të shkosh.
Për të hequr vendndodhjen që keni ruajtur mjafton të shtypni “Clear”.
Në Android
Edhe për këtë sistem është si iOS por ka disa opsione më shumë.Duke ndjekur të njëjtën rrugë si te iOS, këto janë detaje shtesë:
Shtypni ose ngrini lart opsionin “Parking Location” dhe më pas “Enter Notes”, ku mund të shënoni numrin e garazhit apo biznesit afër rrugës ku keni parkuar. Gjithashtu klikoni në kutinë ngjitur me të dhe shtypni opsionin “Add Photos” duke shtuar një foto nga vendndodhja për ta gjetur më lehtë më pas.
Gjithashtu është dhe opsioni i “Time left”, për të të vendosur një kohë të caktuar në të cilën do të mbarojë parkimi juaj. Kjo do të vendosë një ‘countdown” në njoftimin e vazhdueshëm të Maps në telefonin tuaj (kështu që thjesht mund të prekni për të gjetur makinën tuaj).