Autoriteti i Medias Audiovizive ka reaguar lidhur me lajmet se Kastriot Reçi ishte pronar i televizionit Media Plus në Lezhë. Në një deklaratë për mediat AMA thotë se viktima ka qenë ortak i kësaj medie, të cilës i është hequr licenca në vitin 2018.
DEKLARATA E PLOTE
Kastriot Reci i cili mbeti i vrarë gjatë ditës së sotme, nuk rezulton të jetë pronar i asnjë media lokale sic dhe u raportua nga mediat. Në një njoftim të Autoritetit të Mediave Audiovizive, bëhet e ditur që Recit i ishte hequr licensa që në vitin 2018.
“Autoriteti i Mediave Audiovizive (AMA), shpreh keqardhje për humbjen e jetës së shtetasit Kastriot Reçi dhe i shpreh ngushëllimet më të sinqerta familjes.
AMA në përgjigje të interesit publik, sqaron se shtetasi Kastriot Reçi nuk rezulton të jetë pronar i asnjë televizioni apo subjekti tjetër.
Kastriot Reçi ka qenë ortak i televizionit “M+”, të cilit i është hequr licenca me vendim Bordi të AMA-s në vitin 2018”, sqaron AMA.