Këshilli i Lartë i Prokurorisë mblidhet sot në orën 11:00 pas kërcënimit të jetës së prokurores Doloresa Musabelliu, e cila është marrë në mbrojtje nga SPAK. Në takim janë thirrur edhe kreu i SPAK-ut Altin Dumani, ministri i Brendshëm, Taulant Balla, kreu i gardës, drejtori i Përgjithshëm i Policisë Muhamet Rrumbullaku dhe prokurorin Kreshnik Ajazi.
Takimi vjen një ditë pasi Doloresa Musabelliu u mor familjarisht nën ruajtje nga SPAK. Fokusi i takimit do të jetë rishikimi i masave të ruajtjes së prokurorëve në Shqipëri. Ministria e Brendshme po rishikon strategjinë e ruajtjes së prokurorëve.
Për shkak të parashikimeve ligjore mbrojtja kërkohet për prokurorët e zakonshëm në KLP nga vetë prokurori , kreu i policisë apo kreu i prokurorisë. Për prokurorinë e SPAK-ut kërkohet në polici direkt nga vetë prokurori, drejtori i përgjithshëm dhe kreu i SPAK.