Pas shtyrjes së seancës gjyqësore ndaj Sali berishës këtë të premte, e njëjta gjë është bërë edhe për dhëndrin e tij, Jamarbër Malltezit. Për këtë të fundit, Gjykata e Posaçme e Apelit vendosi që seanca të shtyhet për në orën 15. Malltezi kërkon në gjykatë shfuqizimin e vendimit për sekuestron e 25 pasurive të tij.
“Duke iu përgjigjur interesit të lartë të medias dhe publikut, mbi zhvillimin e seancës gjyqësore të datës 24.11.2023, ora 10:00, mbi çështjen penale nr. 174 akti, datë 17.11.2023 regjistrimi, regjistruar mbi ankimin e ankuesit/personit nën hetim J.M., me objekt: “Ankim ndaj vendimit nr. 446, datë 08.11.2023 të Gjykatës së Posaçme të Shkallës së Parë për Korrupsionin dhe Krimin e Organizuar, konstatimin e humbjes së fuqisë së masës shtrënguese “Arrest në burg” të caktuar sipas vendimit nr. 112, datë 20.10.2023”, Gjykata e Posaçme e Apelit për Korrupsionin dhe Krimin e Organizuar, informon se trupi gjykues monokratik i përbërë nga gjyqtarja Iliriana Olldashi, urdhëroi shtyrjen e seancës gjyqësore për në datë 24.11.2023, ora 15:00”, theksoi ai.