Maska, doreza dhe distancimi fizik nga njëri-tjetri janë thelbësore që të mos rrezikojmë infektimin nga COVID-19.
Ministria e Shëndetësisë dhe Mbrojtjes Sociale ka ndarë mënyrën për të vendosur apo hequr maskën, me qëllim mosinfektimin prej virusit.
“Përpara se të vendosni maskën, lani duart tuaja me sapun dhe ujë ose me një solucion me bazë alkooli. Mbuloni gojën dhe hundën me maskë, duke u siguruar që të përshtatet mirë me fytyrën tuaj. Mos e prekni maskën gjatë vendosjes nëse e prekni, lani duart.
Kur maska laget apo zbutet nga lagështira, zëvendësojeni atë me një të re dhe mos e përdorni përsëri; në fakt ato janë maska me një përdorim. Hiqeni maskën duke e kapur atë nga llastiku dhe mos prekni pjesën e përparme të maskës. Hidheni menjëherë në një kosh të mbyllur dhe lani duart”, rekomandon Ministria e Shëndetësisë dhe Mbrojtjes Sociale.
Mënyra e gabuar sesi mund të heqësh maskën ose dorezat, bëhen shkak i infektimit me COVID-19, nëse ke rënë në kontakt me virusin përmes dorezave apo maskës.