Gjatë shtatzënisë, trupi kalon nëpër shumë ndryshime fizike, mendore dhe emocionale. Ndryshimet hormonale që ndodhin brenda trupit mund të sjellin luhatje të humorit. Dr Payal Narang, konsulent obstetër dhe gjinekolog, thotë se mendimet dhe shqetësimet negative janë emocione të zakonshme që ndjehen gjatë shtatzënive të para ose të papritura.
Sipas mjekut, një grua shtatzënë duhet të tregojë sa më shumë kujdes për hir të shëndetit të saj dhe të fëmijës. “Hani shëndetshëm, lëvizni, pushoni mjaftueshëm dhe merrni vitamina. Nëse ndiheni nervoz, i trishtuar ose i shqetësuar, flisni me dikë.”
Trajtimi i çështjeve të shëndetit mendor është i një rëndësie të madhe gjatë shtatzënisë, ndaj mjeku rendit tetë gjëra që gratë mund të bëjnë për të kontrolluar dhe menaxhuar mirëqenien e tyre mendore gjatë shtatzënisë:
1. Mos i bëni shumë presion vetes; jini realistë për aftësitë tuaja dhe bëni pushime kur është e nevojshme.
2. Përveç rasteve kur është absolutisht e nevojshme, përpiquni të shmangni ndryshime të rëndësishme gjatë kësaj kohe, të tilla si zhvendosja ose ndryshimi i punësimit.
3. Vazhdoni të qëndroni aktiv (kontrolloni me mjekun ose maminë tuaj përpara se të filloni një program ushtrimesh).
4. Hani vakte të qëndrueshme, me vlera ushqyese.
5. Kaloni kohë me ata që ju mundësojnë të ndiheni të qetë dhe të sigurt.
6. Mos pini alkool
7. Lidhu dhe realizo takime me gra të tjera që janë shtatzënë për të marrë mbështetje.
8. Kur të jepet ndihma, pranoje; kur keni nevojë për ndihmë, kërkojeni atë.