Kida duket se po përjeton një nga periudhat më të bukura të jetës së saj personale, pasi lidhja me partnerin e saj Ajbi po shkon drejt një hapi të ri të rëndësishëm. Pak muaj më parë, artistja zyrtarizoi publikisht romancën me partnerin e saj, pasi ai i propozoi për martesë në një moment romantik gjatë festimit të ditëlindjes së saj, në dhjetor të vitit 2024. Lajmi asokohe tërhoqi vëmendje të madhe në rrjet dhe u mirëprit nga fansat e këngëtares.
Sipas burimeve, Kida dhe Ajbi tashmë kanë vendosur ta çojnë lidhjen e tyre në një tjetër nivel. Çifti ka marrë vendimin për ta kurorëzuar dashurinë me martesë, duke nisur përgatitjet për ceremoninë e madhe.
Burimet bëjnë me dije se dasma pritet të organizohet në muajin shtator, menjëherë pas përfundimit të sezonit veror, periudhë kur këngëtarja zakonisht është shumë e angazhuar me koncerte dhe projekte muzikore.
Ky hap i rëndësishëm në jetën personale vjen paralelisht me një periudhë shumë të suksesshme për Kidën edhe në aspektin profesional. Artistja vazhdon të jetë një nga emrat më të pëlqyer të skenës muzikore shqiptare, me projekte që marrin vëmendje të madhe dhe koncerte të shumta brenda dhe jashtë vendit.