Diktatori i Koresë së Veriut, Kim Jong-Un, thuhet se ka nisur një tjetër spastrim dhe se ka ekzekutuar një ministër të lartë, i cili dikur kritikoi ish-presidentin amerikan Donald Trump, duke e quajtur atë “President i Keq”.
Raportet nga vendi i izoluar sugjerojnë se Ri Yong-ho, i cili dikur negocionte me SHBA-në për armët bërthamore, është ekzekutuar. Raportet në Japoni lidhën ekzekutimin e dukshëm të Ri me një zgjerim masiv të arsenalit të raketave balistike me rreze të gjatë veprimi të Koresë së Veriut.
Një deputet i Koresë së Jugut, Youn Kun-young, tha se Shërbimi Informativ Kombëtar i vendit të tij kishte konfirmuar se Ri ishte “spastruar” nga regjimi i Kim, por nëse është ekzekutuar mbetet e paqartë.
Përpara emërimit të tij si ministër i Jashtëm në vitin 2016, Ri shërbeu në ambasadën e Mbretërisë së Bashkuar të Koresë së Veriut në Ealing, nga 2003 deri në 2007. Ri ishte kryenegociatori i Koresë së Veriut në bisedimet gjashtë-palëshe për programin bërthamor të vendit, por ka mbetur jashtë syrit të publikut që kur u raportua në vitin 2020 se ai ishte zëvendësuar si ministër i Jashtëm.
Me gjithë reputacionin e tij, Ri u vlerësuar me ndërmjetësimin e bisedimeve të paqes të mbajtura midis Trump dhe Kim në Singapor.
Ri, i cili dikur i ishte referuar Donald Trump-it në një fjalim në asamblenë e përgjithshme të OKB-së si një “Mbreti gënjeshtar” dhe “Presidenti i Keq” është zyrtari i rangut më të lartë që dihet se është eliminuar në një spastrim në vitet e fundit.
Disa politikanë të tjerë të lartë të Kim-it kanë pasur vdekje të parakohshme, duke përfshirë Jang Song-thaek, xhaxhain e Kim-it dhe një ish-zëvendëskryetar i Komisionit të Mbrojtjes Kombëtare, i cili u përball me një skuadër pushkatimi në 2013.