Një javë më parë Kim Kardashian dhe Kanye West u bënë prindër për herë të katërt dhe këtë herë u bekuan me një djalë. Dyshja e njohur nuk publikuan asnjë imazh të vogëlushit dhe nuk e zbuluan emrin e tij. Por së fundmi Kim ka shuar kuriozitetin e të gjithëve duke publikuar emrin dhe foton e parë të djalit. Ylli i “Keeping Up With the Kardashians” ka postuar në “Twitter” dhe “Instagram” një foto nga biseda me Kanye dhe aty shihet edhe imazhi i djalit. “Dita e bukur e nënave. Me ardhjen e fëmijës tonë të katërt ne jemi të bekuar përtej masës. Ne kemi çdo gjë që na duhet”, lexohet në mesazhe. Bashkangjitur tyre ajo ka shkruar Psalm West, i cili është emri i vogëlushit.
Ky emër është me origjinë hebraike dhe do të thotë këngë. Gjithashtu është shumë i njohur në botën e shenjtë që vjen nga emri i librit të Psalm-eve. Kujtojmë se Kim dhe Kanye kanë dhe tre fëmijë të tjerë North, Saint dhe Chicago.
