Kur vjen puna tek dramat familjare, Kim Kardashian është ajo e cila e dramatizon më shumë situatën. Nëse nuk iu ka ndodhur që të shihni reagimet e saj në “Keeping Up With the Kardashians”, mjafton të lexoni dy statuset që ka bërë në Twitter.
Mirëpo një prej fansave i ka qëlluar që të shohë një tjetër anë të personalitetit të Kim, e cila në një situatë të caktuar gjatë një episodi të “KUWTK” ka qëndruar e qetë teksa po bindte bashkëshortin e saj Kanye West për t’u transferuar familjarisht në Chicago.
“Kim është kaq e qetë, a mundet të më mësojë mua ajo si të jem aq e qetë?”- shkruan një nga ndjekësit e saj në Twitter.
Dhe pikërisht në këtë pikë, ka reaguar 38-vjeçarja dhe ka pohuar publikisht se kur një nga fëmijët e saj lëndohet ajo ulëret dhe përhap panik.
“E bëra këtë fundjavë kur Sainty im pati një reaksion alergjik dhe unë kërceva mbi tavolinë dhe kalova si të ishte një pengesë. Duke ulëritur telefonova 911-ën dhe Khloe-it iu desh që të më qetësonte”, shkruan ndër të tjera Kim.
38-vjeçarja së bashku me Kanye janë prindër të 5-vjeçares North, 3-vjeçarit Saint dhe vogëlushes 14-muajshe Chicago, ndërkohë janë në pritje të fëmijës së tyre të katërt që do të vijë në jetë nga një nënë surrogate.