Kina vazhdon të ulë numrin e vdekjeve nga Covid-19, tha sot shefja e sektorit teknik të Organizatës Botërore të Shëndetësisë (OBSH) për Covid-19, Maria van Kerkhove.
“Na mungojnë disa informacione shumë të rëndësishme dhe ne po punojmë me Kinën për të plotësuar ato boshllëqe”, ka thënë Kerkhove.
Më 8 janar, Kina rihapi kufijtë e saj dhe hoqi karantinën e saj për vizitorët ndërkombëtarë për herë të parë në gati tri vjet, edhe pse vendi përballet me një rritje të rasteve të coronavirusit.
Drejtori i komisionit shëndetësor për provincën qendrore të Henan, Kan Quanchenggu, tha më 8 janar se pothuajse 90 për qind e popullsisë është e infektuar me virusin, gjë që bie ndesh me të dhënat e COVID-it të publikuara nga qeveria në Pekin.
Sipas të dhënave nga Pekini, që nga anulimi i politikës zero-Covid në Kinë në dhjetor të vitit të kaluar, janë infektuar vetëm 120 mijë persona, ndërsa kanë vdekur 30 persona.