Juristja Nertila Haxhia ka rrëfyer jetën e saj dhe betejën e gjatë që ka kaluar për të luftuar kancerin.
Haxhia tha se ka qenë vetën 24 vjeçe kur është diagnostikuar me kancer në gjoks, duke ndjekur kurim të rregullt për 4 vjet.
Ajo më pas shpjegon se tumori iu rikthye në mitër, çka e bëri të vështirë jetën e saj.
Juristja thekson se para se të bëhej nënë, ka humbur tre fëmijë më parë, ndërsa shtatëzaninë e ka ndjekur kundër urdhrave të mjekëve.
Ajo thotë se frika më e madhe ishte se mund të linte vajzën pa nënë dhe babë, referuar faktit se i ati i vajzës ndodhej në burg në Greqi.
“Kam qenë para se të bëja 24 vjeç kur e kam identifikuar.
Kanë qenë shenja fillestare dhe pas një kontrollit të përgjithshëm më orientuan në një kontroll më të posaçme. Mjekët vunë re një masë
Vijoi kjo sfidë 4 vjet më e madhe psikologjike. E kam mjekuar me radiologji për disa vite. Tumori i gjirit u rikthye edhe një herë. Unë kam humbur edhe tre fëmijë përpara se të lindja vajzën, për shkak të probleme që kishin filluar edhe aty. Por nuk u diagnostifikova me tumor.
Babai i vajzës ka qenë në një burg në Greqi dhe unë po mundohesha të nxirrja atë nga qelia, sepse une mund të mos jetoja më dhe vajza mos më mbetej pa nënë e pa babë. Dhe për këtë nuk jam penduar sepse i dhashë vetes më shumë motiv.
Vajzën e kam sjellë në jetë në kundërshtim të urdhrit të mjekëve. Unë nuk hoqa dorë dhe thashë që do e çoj deri në fund këtë.
Unë nuk e di nëse e kam kaluar kancerin. Mund të më rikthehet prap. Por unë jetoj shumë mirë.
Tani nuk më bën më përshtypje, asnjë gjë. Mund të luaj si të dua me jetën. Këto kohë unë jam duke jetuar e lirë dhe pa frikë. Më sikletos vetëm fakti se sa shumë do vuajnë nëna e baba, njerëzit që më duan mua, për asnjë gjë tjetër nuk sikletosem“, tha juristja për Vizion Plus.