Një 38-vjeçar është arrestuar gjatë ditës së hënës (5 shkurt), pasi ka vrarë aksidentalisht me armë zjarri një 20-vjeçar.
Policia bën me dije se viktima dhe 38-vjeçari kishin dalë për gjah në vendin quajtur “Përroi i Kepenekut”, ku i riu është qëlluar aksidentalisht dhe ka humbur jetën.
Gjithashtu në kontrollet në zonën ku humbi jetën i riu, është gjetur dhe është sekuestruar 1 armë zjarri pushkë gjysmë automatike dhe municion luftarak.
Njoftimi i policisë:
Vrau aksidentalisht me armë zjarri, gjatë gjuetisë, një 20-vjeçar, Policia vë në pranga autorin e dyshuar.
Mesditën e sotme, shërbimet e Komisariatit të Policisë Tropojë kanë marrë informacion se në fshatin Kepenek, kishte humbur jetën shtetasi E. H., 20 vjeç, banues në Tropojë, si pasojë e plagëve të shkaktuara nga armë zjarri.